För üsi drüü Engeli

 

För üsi drüü Engeli

  Hallo Ehr drüü,

 Vor echli meh als eme Johr am 25. Juli 2002 hesch Du miis erscht Engeli üüs i dä 12 SSW eifach verloh, debii hemmer Diis Herzli doch chräftig gseh schloh. Mer sind so unendlich truurig gsi, dass Du nöd hesch wöllä oder chönä bi üüs bliibä. 

Noch so langem Wartä und Bangä hets endlich klappet und mer hend üüs uf Dii üsers zweit Engeli gfreut, aber leider bisch Du i dä 10 SSW am 4. Dezember 2003 üsem erschtä Engeli gfolgt und mer chönds eifach nöd begriffä, mer hend üüs so uf Di gfreut und hend au Diis Herzli gseh schloh.

Mer hends chum chönä fassä, will grad nochdem mer s’zweiti Engeli verlorä hend isch s’Mami grad wieder schwanger worde. Leider hend mer üüs gär nöd getraut üs zfescht uf Dii zfreue und glich hemmer gspürt, dass Du do bisch! Mer hend Di i Derä chorzä Ziit scho fescht i üsers Herz gschlossä und sind wahnsinnig truurig gsi, wo au Du idä 12 SSW dinä beidnä Gschwüschtertä gfolgt bisch.

 Mer hoffed Ehr drüü hend enand gfundä und passed guät uf enand uuf.

Mer vermissed Eu unendlich und hend Eu wahnsinnig gern!!

 Papi, Mami und die gross Schwöschter Andrina

 Ehr lebet i üsem Herze wiiter!!