Lieber Alexander

Geb. und gest. 11.4.02

 

Mer ( Dis Mami und ich) hend so lang kämpft bis Du vo allne akzeptiert worde bisch und sich all gfreut hed dass Du uf d'Welt cho wersch,obwohl Di zersch nur Dis Mami und ich  Di hend welle. Mer hend scho Klaidli kauft und i han für Di e Schaukli für an Apfelbaum kauft,dass Du bim Gotti chasch schaukle.......

Aber laider isch alls anderscht cho,weder mer üs das vorgstellt hend.

Du bisch nöd Lebensfähig gsi uf dere Welt und hesch au ganz kapputi Niere gha. I gsee Dini Nierli hüt no vor mer,ganz zerlöcheret.....

Dis Mami het sich entschide dich uf d'Welt zbringe ide 25 Ssw. Laider hani bi Dinere Geburt nöd chöne derbii si,Du hesch no 30 min gschnufet unf ganz fiin brüelet,nocher bisch für immer vo üs gange.

Ich han Di denn ersch e Stund später uf mine Arme ghebet und Dich gfötelet. Ich han di ganz fescht lieb!

Ich denke hüt no oft a Di,denn churz noch Dim Tod bin ich schwanger worde und i waiss dass Du mer min Rouven ( 29.12.02) gschikt hesch.Dis Mami isch ez es super Gotti. Und de Rouven kennt Di au ufde Fotene.

 

Mer liebet Di vo ganzem Herze und Du bisch s'beschte Schutzengeli wo i mer für de Rouven chan wünsche.

 Dis Gotti Fränzi