No am Flughafe ha ig dr
Schwangerschaftstescht kouft. Grad nach dr Hochzytsreis.
Daheim ha ig denn dr Tescht gmacht und
dä isch positiv gsi. Dr Papi und ig hei üs mega gfröit uf di!
Mir hei scho lang uf di gwartet und
blanget. Mir si so glücklech gsi, ja mir hätte di ganz Wäut chönne umarme!
Mir isch es eigentlech wunderbar gange
und am 26. Apriu 2005 hei mir di ds erschte mau
uf em Monitor bir
Ultraschalluntersuechig wöue gseh, doch du bisch nid da gsi! Nume es
schwarzes Loch hei mir gseh
und nüt dinne! Das isch e Schock gsi!
Du hesch dr Papi u mi eifach viu,viu ds
früeh verlah! Und iz bisch du eifach nüme da!
Mir vermisse di ganz fescht, du wirsch
immer es Plätzli i üsem Härze ha.
Mir hei di ganz fescht gärn!
Mami u Papi