Stärndli

 

( 9 SSW / 15.12.04 )

 

 Liebs Stärndli,

mer send unendlech truurig, hesch du eus weder müesse verloh.

Nach Johrelangem warte ofenes Baby, hets nach anderthalb Johr endlech klapped, mer händ d Hoffnig scho fast ufgäh, jemols es eigets Baby em Arm ha z döfe.

Aber am 15.11.04 hemmer en positive SS-Tescht ide Hände gha, ond es esch euse schönschti Tag em Läbe gsi, mer händs endlech gschaffet, du besch unterwegs i mim Büchli  ond döfsch wachse.

Leider esch eus am 14 Dezember 2004 am morge früeh alles gnoh worde, för das womer so lang kämpft händ.Es esch eus gseit worde, das euses Baby ufghört het wachse und nömme lebt, ond gester hanich dech, mis liebe Baby em Spital z Baden müesse i der 9 SSW zrogg in Himmel loh goh.

Es tuet unendlech weh, de seelisch Schmerz esch Riesegross.

Ich han dech vom erste Tag a gliebt, dech i mis Härz gschlosse, ond dech als Euses Baby aglueget, ond du wersch emmer i mim Härze bliibe, ond mini Gedanke werde dech au nie vergesse.

 Mer send unendlech truurig, hämmer dech müesse goh loh.

 Dis Mami und Din Papi

www.unserbaby.ch/julibaby