Tess

 

 

 

Für Euses Engelschind Tess

Mit äs paar Wort möchtäd au mir Dir liebi Tess, än Platz uf därä Homepage
widmä.
Nach nur 23 Wuchä i mim Buch häsch Du eus müesä verlah, mini schwär
Nierebeckäentzündig hät Dini schützendi Fruchtblasä platzä la und äs hät kei
chance gäh für Dich. Am 16.1.07 am halbi sächsi zabig bisch Du euses
Töchterli in Züri ufd Wält cho, ei ganzi Stund hät Dis starchä Härzli
gschlagä aber Du bisch no zchli gsi zum überhaupt z'schnufä. Din Papi, wos
grad no rächtziitig us Amerika hei gschafft hät, Dis Grosi und ich, mir händ
ganz lang vo Dir Abschied gno, händ Dich bewunderet wie hübsch Du scho bisch
und wie Du so friedlich usgseh häsch...DU häsch jetzt Din Platz näbed mim
Mami im Himmel gfundä und ich weiss, irgendwänn werded mir eus alli wider
träffe!
Du bisch eusi chlini Tochter und mir wärded Dich i eusem Härze für immer in
Erinnerig bhalte! Mir liebäd Dich euses ängelschindli Tess!

In grosser liebi Dis Mami, Din Papi und Dini Schwöster Jil