Mir hei üs so gfreut uf Di...

Woni ha gwüsst, dasses Di git,
dass Du i mir inne duesch wachse u gedeihe, bini so 
glücklich gsi, so vouer Gfüeuh
u woni nähr ha gwüsst, dassi Di ir 9 SSW im 
Ultraschall z erste Mau darf gseh bini so gspannt gsi, 
u ha ghofft, dass i Dis Härzli darf gseh...
Dr Schock, wo Dis Härzli nüm gschlage het...

Truurigkeit, mis Härz  het so weh da , d Träne, ...     

Mis ÄNGELI, i wirde Di geng i mim Härz bhaute, 
a Di dänke u Di vermisse!

Mama Caro

Man sieht nur mit dem Herzen gut,
das wesentliche bleibt den Augen verborgen.
Antoine de Saint-Exupéry, Der kleine Prinz

Liebs Aengeli Du bisch vo üs gange, ohni das üsi Ouge
Di hei dörfe gseh, ohni das üsi Händ Di hei dörfe gschpüre,
ohni das mir Di hei i üsi Arme hei chönne näh.
Aber Du blibsch i üsem Härz u i üsne Gedanke, u Du luegsch
zu ues abe.

Mir waerde Di nie vergässe Di ueses Aengeli

Di Papa Mike

I ha mi ou scho gfreut uf Di... öberen zum Spiele, zum lache, zum zangge u zum gärn ha...

Bitte beschütz Du üs u i due d Mama u dr Papa tröschte, wenn sie truurig si...

I DÄNKE FESCHT A DI

Dis Schwöschterli Jennifer Zoe