Monika K

 

 

Eusi zwoi Ängeli
 
S'Johr 2003 isch eifach perfekt gsi bis zum 12. Juli. D'Hochzyt im Juli, und erst no schwanger...was füre tolls Gfühl eusere Fründe und Verwandte a eusem Hochzytstag dörfe z'brichte, dass mir im Februar zu Dritt wärde si!!! Das hei mir denn au eso gmacht, und d'Freud isch riesig gross gsi und alli si total begeisteret gsi! Genau e Wuche spöter,  nachere Wuche super schöne erholsame Ferie si plötzlich Bluetige uftrete. Grossi Angst het sich breit gmacht, und ig ha chum chönnä im Arzt alüte will ig so gschockt gsi bi...so vieli Gedanke uf eimol..was,worum, wie und weshalb ? D'Stunde si endlos lang gsi bis am 4i z'Mittag wo mir hei chönnä id Arztpraxis. Uf ei Blick han ig gseh, dass s'Herzli nümmi schlot...!!! Mir si total gschockt gsi..und jetzt..wie wiiter ??? Am Sunntig i Spital will eusers Ängeli i dr 14 SSW gsi isch, und sich so schön ignistet gha het, und nit vo selber het welle goh! E schweri Zyt het ihre Lauf gnoh, aber ig ha sone enormi Chraft i mir innä gspührt, dass ig positiv ha chönnä dänke, und igseh ha, dass öpis nit gstumme het und d'Natur entschiede het.
Zu eusem Erstune han ig Endi Oktober gmerkt, dass ig wieder schwanger bi, und es isch e unbeschriiblichs Gfühl gsi...bi direkt zum Arzt und er het mir versicheret, dass mir jetzt jedi Wuche e Kontrolle mache, do mir wei sicher si, dass alles guet isch!  E Wuche spöter hei sich d'Ereigniss überschlage...ig bi zum Arzt und er het festgstellt, dass eifach nüt meh ummä isch...!!
Eifach eso ???? Scho wieder ???? Worum ig ???? Wie han ig das verdient ????
Er het mir denn e Tablette gäh, dass alles wieder guet chunnt...! Ig bi ateilnahmslos gsi und ha eifach alles übermi lo goh...!! Denn het e harti Zyt agfange..ig ha afo a mir zwyfle, und ha mi ellei gfühlt, niemerts aber au gar niemerts het mir chönnä helfe...nit emol mi Maa....!! Ig bi ine Loch ihnegheit, und ha nit gwüsst wie usecho....! 2 Wuche spöter han ig denn e Nochuntersuechigstermin gha....! Dä Tag wärdä mir eusers ganze Läbä nieme vergässe...!!
Plötzlich seit mir dr Arzt, mit riese grosse Auge, dass do öpis sigi...do sigä Herzfunktione...! WAS ???
Wie chunnt das ??? Jetzt het sich usegstellt, dass es Zwilling gsi wäre, und ig eis Ängeli verlore han, und sich s'andere duräkämpft het...!! Die Zyt wo denn cho isch, isch Berg und Tagfahrt gsi...!! Truure dörf  ig nit, denn ig muess jetzt stark si für s'zweite....!! Freue ? Das han ig mi lang nit chönnä....!!!
Hüt isch alles guet und euse Schatz isch 4 Monet alt!!
Ig bi überzügt, dass eusi zwoi Ängeli immer bi eus und brunders bim Jonas si....!!
 
 Mir vergässä euch nie dir ghöret zu eusem Läbä, euchers Mami und euche Papi